ஒன்றிய சமூக நீதித்துறை அமைச்சரிடம் கோரிக்கைக் கடிதம்

இன்று ஒன்றிய சமூக நீதித்துறை அமைச்சர் திரு வீரேந்திர குமார் அவர்களை நேரில் பார்த்துப் பின்வரும் கோரிக்கைகள் அடங்கிய கடிதத்தைக் கொடுத்தேன். போஸ்ட் மெட்ரிக் ஸ்காலர்ஷிப் தொகையை உடனே விடுவிக்க வலியுறுத்தினேன். நடவடிக்கை எடுப்பதாக உறுதியளித்துள்ளார். 

பட்டியல் சமூகத்தினர் (SC), பட்டியல் பழங்குடியினர் (ST) மற்றும் பிற்படுத்தப்பட்ட வகுப்பினர் (OBC) நலன் மற்றும் கல்வி முன்னேற்றம் தொடர்பான சில முக்கியமான விஷயங்கள் குறித்து தங்களின் கனிவான கவனத்தை ஈர்க்க விரும்புகிறேன். கீழ்க்கண்ட கோரிக்கைகளை தயவுகூர்ந்து பரிசீலித்து சாதகமான நடவடிக்கை எடுக்குமாறு பணிவன்புடன் கேட்டுக்கொள்கிறேன்:

1. பட்டியல் சமூகத்தினர் (SC), பழங்குடியினர் (ST) மற்றும் பிற்படுத்தப்பட்ட வகுப்பினர் (OBC) மாணவர்களுக்கான போஸ்ட் -மெட்ரிக் (Pre-Matric) மற்றும் பின்-மேல்நிலை (Post-Matric) கல்வி உதவித்தொகைத் திட்டங்களின் தகுதிக்காக தற்போது நிர்ணயிக்கப்பட்டுள்ள ஆண்டுக்கு ரூ.2.50 இலட்சம் குடும்ப வருமான உச்சவரம்பை, பொருளாதாரத்தில் நலிவடைந்த பிரிவினருக்கு (EWS) மற்றும் பிற ஒன்றிய அரசின் கல்வி உதவித்தொகைத் திட்டங்களுக்கு நிர்ணயிக்கப்பட்டுள்ள வருமான உச்சவரம்புக்கு இணையாக, ரூ.8.00 இலட்சமாக உயர்த்தி வழங்குமாறு பணிவன்புடன் கேட்டுக்கொள்கிறேன்.

2. 2022–2026 காலப்பகுதிக்கான கல்வி உதவித்தொகை நிலுவைத் தொகையாக ரூ.130.20 கோடி இதுவரை விடுவிக்கப்படாமல் உள்ளது. இதனால் 2,44,112 மாணவர்கள் பாதிக்கப்பட்டுள்ளனர். மேலும், பிரதம மந்திரி யசஸ்வி (PM YASASVI) திட்டத்தின் கீழ், பிற்படுத்தப்பட்ட வகுப்பினர் (OBC) மாணவர்களுக்கான போஸ்ட் மெட் ரிக் கல்வி உதவித்தொகைத் திட்டத்திற்காக ரூ.124.09 கோடியும், போஸ்ட் மெட் ரிக் கல்வி உதவித்தொகைத் திட்டத்திற்காக ரூ.194.22 கோடியும் ஒன்றிய அரசின் நிதியுதவியாக ஒப்புதல் பெறாமல் நிலுவையில் உள்ளன. மாணவர்கள் மேலும் சிரமத்திற்கு ஆளாகாமல் இருக்க, இந்த நிதிகளை விரைவாக விடுவிப்பது மிகவும் அவசியமாகும்.

3. 2026–27 நிதியாண்டிற்காக, தாழ்த்தப்பட்டோர் (SC) மாணவர்களுக்கான போஸ்ட் மெட் ரிக் கல்வி உதவித்தொகைத் திட்டத்தின் கீழ் ஒன்றிய அரசின் பங்காக தேவையான ரூ.1,093.20 கோடியையும், தாழ்த்தப்பட்டோர் (SC) மாணவர்களுக்கான ப்ரி மெட்ரிக் கல்வி உதவித்தொகைத் திட்டத்தின் கீழ் ரூ.108.55 கோடியையும் இந்திய அரசு ஒப்புதல் வழங்கி, இத்திட்டங்கள் இடையூறு இன்றித் தொடர்ந்து செயல்படுத்தப்படுவதை உறுதி செய்யுமாறு பணிவன்புடன் கேட்டுக்கொள்கிறேன்.

4. பிரதம மந்திரி அனுசூசித் ஜாதி அப்யுதய் யோஜனா (PM-AJAY) திட்டத்தின் கீழ் நிலுவையில் உள்ள ரூ.154.08 கோடி ஒன்றிய அரசின் நிதியுதவியை, வாழ்வாதார மேம்பாட்டு முயற்சிகள், கிராமப்புற வளர்ச்சித் திட்டங்கள் மற்றும் கல்வி உள்கட்டமைப்புத் திட்டங்களை உரிய காலத்தில் செயல்படுத்துவதற்காக, விரைவாக விடுவிக்குமாறு பணிவன்புடன் கேட்டுக்கொள்கிறேன்.

5. தற்போதைய நிதியாண்டில், உயர்கல்வி பயிலும் பட்டியல் சமூகத்தினர் (SC) மாணவர்களுக்கான தங்குமிட வசதிகளின் அதிகரித்து வரும் தேவையை பூர்த்தி செய்ய, 127 புதிய மாணவர் விடுதிகளை கட்டுவதற்குத் தேவையான நிதியுதவியை வழங்குமாறு பணிவன்புடன் கேட்டுக்கொள்கிறேன்.

6. தமிழ்நாட்டில் மொத்தம் 12,525 கிராம ஊராட்சிகள் உள்ளன. அவற்றில், தற்போதுள்ள 40 சதவீத SC மக்கள் தொகை என்ற தகுதிநிபந்தனையின் அடிப்படையில், 3,112 கிராம ஊராட்சிகள் மட்டுமே பிரதம மந்திரி ஆதர்ஷ் கிராம் யோஜனா (PMAGY) என்ற PM-AJAY திட்டக் கூறின் கீழ் உள்ளடக்கப்பட்டுள்ளன. இந்தத் தகுதிநிபந்தனையை 30 சதவீதமாக தளர்த்தினால், எஞ்சியுள்ள 9,413 கிராம ஊராட்சிகளும் இத்திட்டத்தின் பயனைப் பெற முடியும். எனவே, இந்தத் தகுதிநிபந்தனையை 30 சதவீதமாக தளர்த்தி வழங்குமாறு பணிவன்புடன் கேட்டுக்கொள்கிறேன்.

7. SC மாணவர்களுக்கான போஸ்ட் மெட் ரிக் கல்வி உதவித்தொகைத் திட்டத்தின் கீழ் வழங்கப்படும் கல்விப் பராமரிப்பு உதவித்தொகை (Academic Maintenance Allowance), குறிப்பாக மாணவர் விடுதிகளில் தங்கிப் பயிலும் மாணவர்களுக்கு, விடுதிக் கட்டணம், உணவுச் செலவு மற்றும் ஒட்டுமொத்த கல்விச் செலவு கணிசமாக உயர்ந்துள்ள சூழ்நிலையை கருத்தில் கொண்டு, மறுஆய்வு செய்து கணிசமாக உயர்த்தி வழங்குமாறு பணிவன்புடன் கேட்டுக்கொள்கிறேன்.

8. குடியுரிமைகள் பாதுகாப்புச் சட்டம், 1955 (Protection of Civil Rights Act, 1955) மற்றும் பட்டியல் சமூகத்தினர் மற்றும் பட்டியல் பழங்குடியினர் (வன்கொடுமைத் தடுப்பு) சட்டம், 1989 [Scheduled Castes and the Scheduled Tribes (Prevention of Atrocities) Act, 1989] ஆகியவற்றை நடைமுறைப்படுத்துவதற்கான ஒன்றிய அரசு நிதியுதவித் திட்டத்தின் கீழ் பாதிக்கப்பட்டவர்களுக்கு வழங்கப்படும் நிவாரணத் தொகையை, தற்போதைய சமூக-பொருளாதார சூழ்நிலைக்கு ஏற்ப மறுஆய்வு செய்து உயர்த்தி, சாதி அடிப்படையிலான பாகுபாடு மற்றும் வன்கொடுமைகளால் பாதிக்கப்படும் நபர்களுக்கு போதுமான மற்றும் பொருளுள்ள நிவாரணம் கிடைப்பதை உறுதி செய்யுமாறு பணிவன்புடன் கேட்டுக்கொள்கிறேன்.

9. தமிழ்நாடு அரசின் பரிந்துரைக்கு இணங்க, சம்பந்தப்பட்ட பட்டியல் சமூகத்தினர் (SC) பட்டியல் பழங்குடியினர் (ST) சமூகங்களின் அதிகாரப்பூர்வப் பெயர்களில் இடம்பெற்றுள்ள “ன்” மற்றும் “அ” என்ற பின்னொட்டுகளுக்குப் பதிலாக “R” என்ற பின்னொட்டை மாற்றியமைப்பதற்குத் தேவையான சட்டத்திருத்தத்தை இந்திய அரசு மேற்கொள்ளுமாறு பணிவன்புடன் கேட்டுக்கொள்கிறேன்.